🏆 Ապրիլին Բերդ քաղաքում կանցկացվի «Կյանքի գավաթ» առաջին օգնության մրցաշարը, որի նպատակն է զարգացնել կյանքի փրկարար հմտությունները, արագ արձագանքման կարողությունները և թիմային աշխատանքը արտակարգ իրավիճակների մոդելավորված պայմաններում։

🆕 Մարտ ամսից մեկնարկում են երկու նոր կրթական ծրագիր․

🔹 «Կախվածություն և բուլինգ․ հոգեբանական ազդեցությունը միջանձնային հարաբերությունների վրա»

🔹 «Սեռական առողջություն և պատասխանատու վարք»

Ծրագրերը միտված են դեռահասների և երիտասարդների իրազեկվածության բարձրացմանը, պատասխանատու վարքագծի ձևավորմանը և անվտանգ միջավայրի ձևավորմանը։

🌱 Զուգահեռաբար շարունակվում է աշխատանքը «Կանաչ ակադեմիա» նախագծի մշակման ուղղությամբ, որը նախատեսվում է որպես ներառական և բնահեն կրթական նախաձեռնություն։

• Առաջին օգնության տեսական և գործնական դասընթացներ են իրականացվել Տավուշի  9 դպրոցներում և 7 համայնքային հանդիպման ընթացքում՝ Լոռու մարզում։

•  Դասընթացների արդյունքում ընդհանուր առմամբ ներգրավվել է 495 շահառու։

• Մշակվել և կիրառվում է առաջին օգնության յուրահատուկ «Երեք Կյանք» մոդելը, որը հիմնված է երեք հիմնական ուղղությունների վրա՝

– արյունահոսության դադարեցում

– շնչառության ապահովում

– շոկ զարգացման կանխում

• Ծրագրերն իրականացվում են կամավորական հիմունքներով՝ առաջին օգնության գիտելիքները մատչելի, պարզ և կիրառելի ձևով տարածելու նպատակով։

• Ստեղծվել են կազմակերպության լոգոն, ուսումնական ծրագիրը և ուսուցողական նյութերը, որոնք կիրառվում են բոլոր միջոցառումների ընթացքում։

• Հաստատվել է սերտ համագործակցություն դպրոցների և երիտասարդական նախաձեռնությունների հետ, ինչը հնարավորություն է տալիս շարունակաբար ընդլայնել ծրագրերի աշխարհագրությունն ու ազդեցությունը։