Արմեն Եգանյան-Հիմնադիր նախագահ 

Սովորում է Երևանի Պետական Բժշկական Համալսարանում։ Առողջապահական կրթության և առաջին բուժօգնության ոլորտում ակտիվ գործունեություն ծավալելով՝ նա ստացել է դասընթացավարի որակավորում և իրականացրել է բազմաթիվ կրթական ծրագրեր տարբեր համայնքներում։

Որպես ՀԿ-ի հիմնադիր նախագահ՝ Արմեն Եգանյանը առաջնորդում է կազմակերպության զարգացման ռազմավարությունը՝ կենտրոնանալով առողջապահական իրազեկվածության բարձրացման, հասարակական աջակցության ծրագրերի ընդլայնման և նորարարական մոտեցումների խթանման վրա։ Նա պատասխանատու է ընդհանուր ղեկավարման, գործընկերային հարաբերությունների կառուցման և կայուն ֆինանսական հոսքերի ապահովման համար։

Նրա համար առաջնային արժեքներն են պրոֆեսիոնալիզմը, թիմային աշխատանքը և սոցիալական պատասխանատվությունը։ Արմեն Եգանյանը հավատում է, որ կրթված, իրազեկ և հոգատար հասարակությունը առողջ ապագայի գրավականն է։

Խոսք․ «Յուրաքանչյուր երազանք իրագործելի է, երբ խոսքին միանում են հաստատակամ քայլեր։»

Արեն Եգանյան – ՀԿ փոխնախագահ

Սովորում է Հայաստանի Ազգային Պոլիտեխնիկական Համալսարանի Տնտեսագիտության ֆակուլտետում։ Ունի փորձ հանրային կապերի, հաղորդակցման և կազմակերպչական ոլորտներում, ինչպես նաև սպասարկման ոլորտում՝ նպաստելով հաղորդակցման հմտությունների կատարելագործմանը։

ՀԿ-ում Առաջնորդում և աջակցում է ՀԿ-ի կառավարմանը, զարգացնում թիմային աշխատանքը, նպաստում ակտիվ նախաձեռնողականությանը և ՀԿ-ի արժեքների արդյունավետ ներկայացմանը հասարակության համար։

Խոսք․

«Համոզված եմ, որ կազմակերպության ուժը ձևավորվում է վստահելի հաղորդակցության, համախմբված թիմի և հստակ արժեքների շնորհիվ»։

Սեյրան Սարյան – Կառավարման խորհրդի քարտուղար

Սովորում է Հայաստանի Եվրոպական Համալսարանի Կառավարման ֆակուլտետում։ Ունի փորձ կառավարման, թիմային աշխատանքի և սպասարկման ոլորտներում։ Մասնակցել է մի շարք մասնագիտական և զարգացման ծրագրերի, այդ թվում՝ «Երիտասարդների զարգացում», «Արհեստական բանականության հիմունքներ» դասընթացներ և «Քաղաքականություն» դասընթաց՝ ժողովրդավարության հայկական դպրոցում, մշտապես զարգացնելով իր ռազմավարական մտածողությունը և կառավարման հմտությունները։

ՀԿ-ում Կազմակերպում և համակարգում է Կառավարման խորհրդի նիստերը, պատրաստում նիստերի արձանագրությունները, կարգավորում ներքին հաղորդակցությունը և ապահովում փաստաթղթային հոսքի արդյունավետությունը՝ նպաստելով ՀԿ-ի արդյունավետ կառավարմանը և թիմային հաղորդակցությանը։

Խոսք․

«Հավատում եմ, որ հետևողականություն, թիմային աշխատանք և նվիրվածություն ներդնելով՝ կարող ենք իրական և երկարատև փոփոխություններ ապահովել առողջապահական ոլորտում»։

Էմիլիա Մուրադյան – Կրթական զարգացման և վերապատրաստման պատասխանատու

Սովորում է Ճարտարապետության և շինարարության Հայաստանի ազգային համալսարանի ճարտարապետության ֆակուլտետի մագիստրատուրայի 1-ին կուրսում։ Ունի գործնական փորձ ճարտարապետության, թիմային աշխատանքի և սպասարկման ոլորտներում։

ՀԿ-ում զբաղվում է ուսուցողական ծրագրերի մշակմամբ ու իրականացմամբ, կազմակերպում է դասընթացներ, սեմինարներ և աշխատաժողովներ՝ նպաստելով թիմի մասնագիտական զարգացմանը։

Մասնակցել է մի շարք մասնագիտական և զարգացման ծրագրերի, այդ թվում՝ «Ճարտարապետական բիոմիմիկա» աշխատարանին և «Կայուն ճարտարապետություն և կլիմայական փոփոխություններ» կոնֆերանս-քննարկմանը։ 

Խոսք․

«Ըստ ինձ կյանքի գաղտնիքը այն է, որ մարդիկ փոխում են մարդկանց։ Մենք ձևավորվում ենք այն մարդկանցից, ովքեր մեզ լսում, ընդունում և ոգեշնչում են։ Իմ աշխատանքում ու անձնական կյանքում փորձում եմ լինել այն մարդը, ում ներկայությունը կարող է նույնիսկ փոքր-ինչ դիմացինիս ներսում լավը արթնացնել։ Մեկն էլ բավական է, որ աշխարհը փոխվի»

Ջուլիա Մեյրոյան – Մոնիթորինգի և գնահատման պատասխանատու

Սովորում է Երևանի պետական համալսարանի Մաթեմատիկա և մեխանիկա ֆակուլտետի «Կիրառական վիճակագրություն և տվյալների գիտություն» մասնագիտության 2-րդ կուրսում։ Ունի փորձ սպասարկման, վաճառքի և հանրային կապերի ոլորտներում։

ՀԿ-ում զբաղվում է մոնիթորինգի և գնահատման մեխանիզմների մշակմամբ, ծրագրերի արդյունքների վերլուծությամբ և հաշվետվությունների պատրաստմամբ՝ նպաստելով ծրագրերի որակի բարելավմանը։

Խոսք․

«Ցանկացած աշխատանք, երբ անում ենք սիրով, կարող է իսկապես արժեքավոր լինել »։

Նելլի Արզումանյան – Ծրագրերի համակարգող

Սովորում է Հայկական բժշկական ինստիտուտի ընդհանուր բժշկության ֆակուլտետի 5-րդ կուրսում։ Ունի կամավորական փորձ առողջապահական հաստատություններում և մարդկասիրական գործունեության՝ վերջին Արցախյան պատերազմի ընթացքում ։

ՀԿ-ում կազմակերպում և համակարգում է ՀԿ-ի ծրագրերը, ապահովում թափանցիկ հաղորդակցություն, ամրապնդում հանրային վստահությունը և փոխանցում արդյունավետ տեղեկատվություն՝ նպաստելով ծրագրերի հաջողությանը։

Խոսք․

«Հաղորդակցությունը առողջապահության մեջ կարող է դառնալ կանխարգելման լավագույն միջոցը․ ճիշտ տեղեկատվությունը փրկում է կյանքեր»։

Թամարա Վարդանյան – Մարդկային ռեսուրսների կառավարում

Սովորում է Երևանի պետական համալսարանի Ինֆորմատիկա և կիրառական մաթեմատիկա ֆակուլտետում։ Ունի թիմային աշխատանքի, ժամանակի կառավարման և երեխաների հետ աշխատանքի գործնական հմտություններ։

ՀԿ-ում զբաղվում է կամավորների ներգրավմամբ, աջակցում է կամավորների աշխատանքի կազմակերպմանը։

Մասնակցել է մի շարք կրթական և զարգացնող ծրագրերի, այդ թվում՝ «Երեխաների իրավունքների պաշտպանություն» միջոցառմանը Թումո կենտրոնում, ինչպես նաև դպրոցական ծրագրերի՝ նվիրված թիմային աշխատանքին և մտածողության զարգացմանը։

Կարևորում է պատասխանատվությունը, փոխհամաձայնությունն ու պունկտուալությունը՝ որպես արդյունավետ թիմի հիմք։

Խոսք.

 «Այսօրվա փոքր գիտելիքները կարող են մեծ փրկության աղբյուր լինել վաղվա համար»։

Սերինե Սարյան֊ Համայնքային կապերի պատասխանատու

Սովորել է ՔՈԱՖ Սմարթ կենտրոնում՝ «Կառավարում», «Կատարողական արվեստ» և «Թվային նկարչություն» ուղղություններով։ Մասնակցել է «Արհեստական բանականությունը մարքետինգում» թեմայով վեբինարին։

ՀԿ-ում Կազմակերպում և զարգացնում է համայնքային համագործակցությունները, ապահովում է արդյունավետ հաղորդակցություն համայնքների և գործընկերների հետ, աջակցում է ծրագրերի իրականացմանը և նպաստում է ՀԿ-ի ճանաչելիության ու ներգրավվածության բարձրացմանը։

Խոսք

«Ուժեղ համայնքը սկսվում է վստահությունից, համագործակցությունից և մարդկանց միավորելու պատրաստակամությունից»

Արտաշես Մահտեսյան – Նորարարական ծրագրերի ղեկավար

Սովորում է Հայկական բժշկական ինստիտուտում։ Հետաքրքրված է նորարարական մոտեցումներով առողջապահության և կրթության ոլորտներում, մասնակցում է ծրագրերի մշակմանն ու նոր գաղափարների ներդրմանը ՀԿ-ի գործունեության մեջ։

Խոսք․

«Նորարարությունը սկսվում է ճիշտ գաղափարից և ավարտվում է իրական փոփոխությամբ»։

Ժորա Ծատուրյան — Աջակցող խմբի ղեկավար

Սովորում է Երևանի Հայբուսակ Համալսարանում։ Ունի փորձ սպասարկման ոլորտում և հանդիսանում է առաջին օգնության դասընթացավար։ Գործունեության ընթացքում դասընթացներ է անցկացրել Հայաստանի տարբեր դպրոցներում՝ նպաստելով առաջին օգնության գիտելիքների տարածմանը։ ՀԿ-ում պատասխանատու է աջակցող խմբի կազմակերպման,ղեկավարման և համապատասխան դասընթացների իրականացման համար։

Խոսք․ «Իմ նպատակը առողջապահական գիտելիքների տարածումն է՝ ավելի ապահով և պատրաստված համայնք ստեղծելու համար։»

Անուշ Խաչատրյան֊Սոցիալ հոգեբանական պատասխանատու

Սովորում է Հայկական պետական մանկավարժական համալսարանի Կրթության, հոգեբանության և սոցիոլոգիայի ֆակուլտետի «Հոգեբանություն» բաժնում։ Մասնակցել է «Հոգեվերլուծական մեթոդներն ու տեխնիկաները հոգեթերապիայում» դասընթացին և փորձառու մասնագետների հետ քննարկումների։ Ունի փորձ աշակերտների հետ թրեյնինգների անցկացման և կրթական նախաձեռնություններում, ինչպես նաև աշխատել սպասարկման ոլորտում։

ՀԿ-ում նրա պարտականությունները․

Պատասխանատու է հոգեբանական ծրագրերի պլանավորման, կազմակերպման և իրականացման համար, աջակցում է ուսուցողական միջոցառումների անցկացմանը և հետևում ծրագրերի արդյունավետությանը՝ նպաստելով ՀԿ-ի առաքելությանը և թիմի զարգացմանը։

Խոսք․

«Դարձիր այնպիսին, ինչպիսին ուզում ես տեսնել մարդկանց և աշխարհը»։

 Լիանա Եգանյան—ֆինանսական պատասխանատու

Լիանան սովորում է ԵՊՀ Տնտեսագիտության ֆակուլտետի Ֆինանսներ բաժնում։ Ունի փորձ թե՛ սպասարկման, թե՛ կառավարման ոլորտում, հաճախել է բազում մասնագիտական դասընթացների, ձեռք բերել գիտելիքներ ֆինանսական կառավարման, մարքեթինգի, SMM-ի և առողջ ապրելակերպի ուղղությամբ՝ արժանանալով հավաստագրերի։ Նա կամավորել է «Կարմիր Խաչում», ինչպես նաև եղել է «Ռեստարտ» գիտակրթական ՀԿ-ի անդամ։

«Երեք կյանք» ՀԿ-ում Լիանայի հիմնական գործունեությունը կլինի կազմակերպության ֆինանսական հոսքերի վերահսկումը, հաշվառման ու հաշվետվությունների կազմման գործընթացների կազմակերպումը և համապատասխան փաստաթղթերի նախապատրաստումը։

 Խոսք.«Մեկ ծառ տնկելը ավելի լավ է, քան հազար բառ խոսել բնության մասին»։